STORNELLI D'AMORE (di Badolato)

1) Stira serèna cchjù de l'unda chjàra
duva staciti vui, spassu e trisòru;
tenìti 'a vucca chi de mela para,
de zzùccaru vi nèscia la parola.

2) Stella d'oriènti, de mara nescìsti;
palumba bella, pe ll'aria volàsti:
a jhàncu de la luna ti nda jìsti,
li bellèzzi a lu sula nci arrobbàsti.

3) O rosa russa de milli curùni,
- ca cchju' ti guardu, cchjù bella mi pari -
tu si' adornata de rosi e de jhùri
e, nte lu menzu, lu cora cu ll'ali;
quandu mi guardi cu st'occhji speciàli,
mi duni la cundanna de l'amuri.