Parìa ca nenta mai succeda ngiru
e sempa eramu ddrà, mbiru lu piru;
pùa giuvanìaddri all’arta ni mbizzaru:
cu’ mastru custurìari e cui scarpàru.

Artu on vidivi ca mura scoppulati,
duva tùappi ‘e presìapiu, duva straci;
e ngiru ngiru, mpisi ar’a franesta,
pittìaddri ‘e ficandiàni e pipi a rresta.

Scali, scaluni, mugnani e copanìaddri;
pùarti ‘e catòjia, pùarti cu i portìaddri,
chiavatùri fatti a manu, chi arruggiàru,
‘e Nazzarenu bonànima, forgiàru.

Mbrunuta l’ ura, a nna quarra ncucchjàti,
sentìamu i cunti ‘e na vècchja cuntati;
u frata randa avìa mbrazza u piccirìddru
appatumàtu e lùardu cchjù de ìddru.

I fìmmani, assettàti ar’i scalùni
mandàvanu i zitìaddi ar’u musùni;
tiràvanu d’a gurza i patrannùasti
e si chiudìanu eccussì i jùarni nùasti.

Ccà ni criscìmma! Cu i carzi appezzati
tutti ‘e na tàgghia, cu i tìasti carusàti:
parìamu fìgghi ‘e na mamma sula,
parìamu pecurìaddri ar’a pastura.

Luci, chi a sta Vinèddra umbra facìti,
dicìtimi: "Quand’è ca juarnu fàcia?".

'On avia casi senza guttiari,
nè vecchiariddri senza vrasciari:
quandu ar'i ferra, quandu cu fusu,
sinnò, guardavunu 'ncunu putusu.

Quantu cristiani d'a bona manera:
c'era Cindiddra, Ntò 'a Panettera,
e ra cummara "Catarini d'a Lana"
chi sapia cunti pe' tutta 'a simana.

Avìamu puru Mannaja Nacca,
cu pisciaturi sutta 'a travacca;
estati e vìarnu nescia 'ntò barcuni,
cu 'a cammiseddra supa i rignuni.

'Ncorcunu facìa ca vola u cumanda,
pecchi avìa turnatu d'a Mìarica Randa,
ma quandu si vìtta p'o culu pigghiara:(oh yè!)
sputau 'a cingomma e si misa a zappara.

Fora gabbu, chi ruga a pinnellu!
Unu avìa u ranu, nattu u crivellu,
unu avìa l'ùagghiu, nattu 'a manestra.
e nte cocipana sparava 'a janestra.

Erùmu tutti cummara e cumpara,
ognunu tirava...tirava a campara,
senza cuntìanti, senza stravizzi,
èranu puacu puru i carizzi.

Cu' primu cardu 'ncignava u ribìaddru,
nte ogni casa ciangìa nu zitiaddru,
e tutti i moccusi jocandu ar'a sgrozza,
facìamu 'mbujina sartandu a carozza.

Cuamu l'acciadri d' a luci a folè;
faciamu 'u risparmiu d'a luci a forfè;
e capitava, standu ar'u scuru,
d' a scala 'ncasciata u ntruzzi nto muru.

Quandu arviscia.. nte stu Vaddruni
sentivi tuttu nu parrasuni:
lumi, lantiami portati a manu
e 'ncunu ragghiu d'o ciucciu 'e Varanu.

E ognunu partia ... cu spùarti e panara,
guardandu na stiddra e l'undi d'o mara.

Puarci de ddrà, puarci de ccà
nte ogni ruga nu puarcu ci stà
ligatu u pòrtunu cu' ramaniaddru,
tutti u ngulighianu cuamu u zitiaddru.

Grida lu miseru, li fannu a festa,
supa u muriaddru li misuru a testa,
cu' tena de peda cu' tena de ricchji
ma nuddu caccija u puarcu de mpicci.

Lùcia u curtiaddru do scannaturi,
u puarcu grida d'o gran doluri,
e ra cummàra, cu manu e vrazzu
gira nta limba po' sangunazzu.

Gugghia a coddara e fora funda
tutti su' pronti u puarcu si munda,
cu munda a panza, cu munda a cudiddra
para ca rida intru a majiddra.

E cu sti risi finìu u ribbiaddru,
u puarcu u mpisuru ar'u scambiaddru,
e ar'a fini mancu u si dicia
ca l'arrendiru puru a vizzica.

Criscimma u puarcu e mancu ni para
ca cu a sajiola l'avimu 'e pisàra,
tutti ni dinnu ca era mbalusu
i situli avìa e nu puarcu tignusu.

Chista è a storia de puarci e na vota,
chi rughi rughi facianu rota,
a carnalavari tenianu cuntianti
a gianti rica e ra gianti pezzenti.

Cangiaru i jussi, finìu a fera,
mò tutti i puarci su e na manèra,
restaru sulu u destinu 'ngatu:
Cui esta puarcu...mora ammazzatu.