PENZANDU A MAMA

Mà,
 Quantu spùarti e coddhati
sagghjsti 'e si 'mpetrati,
    quantu ligna e castagni
scindisti 'e si muntagni,
cu' guerra e senza guerra
cu' turmìanti e cu' guài...
'u pana ari figghjùali tua
'on lu facisti mancara mai.

Ligasti e spalegrasti
cu' manu lesta,
tanti mali jùarni
e 'ncuna festa,
avisti peda fìarmu
e schina tosta.

Fìmmana d'ajìari
fìmmana vera,
deritta sempa
cùamu 'na bandera.