Una "FARZA" di qualche anno fa...!

Pajsi chi a tri pizzi ti facisti
ti viju la maduddha chjazzi chjazzi,
avisti gianti nobili e majstri
e mò hai ù t'accuntianti de schjumazzi.

Oh! Sant'Andria chi pè mara vai
camina e cantu e futtatinda e nui,
pisca li pisci e non penzara mai
ca unu e unu a vuati on fannu dui.

Si vua u fai na cosa propria giusta
sbotulu stu pajsi puntu e basta,
fallu calara a piccu supa sutta
gugghjulu a fuacu liantu cuamu a pasta.

Ca cu sti quattru gianti chi restaru
si ficia aduamitu ara canagliatura,
littiri anonimi e arti cuasi sparu
vannu girandu 'nte sti quattru mura.

Pajsi chjnu e fela e de valianu
on ava mancu surici a sti strati,
ca tantu do valianu chi c'è ngiru
moriru tutti quanti mbalenati.

Critichi a destra e critichi a sinistra
cui do mugnanu e cui ammianzu li chjazzi,
cui senza vattara lu fuacu attizza
e cui si 'mpiccia sempa e tutti i cazzi.

Jetta sa rizza viacchju Piscaturi
liga la barca a nu paluni e nchjana,
ca c'è bisuagnu e Tia ntè stu pajsi
pè ajari, pè oja e pè domana.