[Precedente] [Home] [Successiva]

I BRINDISI

Questi brindisi sono stati scritti da Sigino Carioti e declamati alle feste dell' AMA

• Cu stu vinu chi mi ricorda l'ntenati 'e Sant' Andria
  brindisi fazzu a tutta 'a cumpagnia!

• Attia 'ndrualu c'attroppicasti 'nto migrara
  brindisi 'e cora cu stu vinu 'e Lipogghiara.

• Stu vinu 'ndrualu 'ndovera mi chiama
  'u brindu ari soci e amici 'e l'AMA!

• Vinu 'e vigna e scuagghiu ca scindi com'uagghiu
  e cchiù ti vivu, cchiù ti vuagghiu
  e brindu ari pappù, patra e figghi
  e a Sant' Andria cù i trigghi!

• 'Mpistunamuni cù stu vinu
  supa cruciatti, turriuni e mastazzola
  e saluti e bena a tutti
  pé sta festa 'ndrola.

• C'u vinu chi bena 'e Sant' Andria
  brindisi fazzu a tutta 'a cumpagnia.

• 'U vinu 'e Pastadiko' rimporza 'i dericati
  brindamu ricordandu u pappù e l'antenati.

• Stu vinu firta passàu tanti stazziùani
  e nui brindamu ari nuasti tradizziùani.

• Cu' stu vinu sanacora mastazzola
  brindamu a chista festa 'ndrola.

• Stu vinu cu 'nu brìndisi aru dovera ni chiama
  'u ni signamu tutti quanti all'AMA.

• Stu vinu generuasu mi duna allegrizza
  e jìo nu vivu a stizza stizza.

• Stu vinu asprignu vèna e Caresta
  bìndisi fazzu ari 'ndruali 'nfesta.

• Vena 'e Tralò, stu vinu cirasùlu
  pemmu 'u caccia 'a prica aru 'ndrualu.

• Cu 'stu vinu 'e Pajio, cruciatti e suppressati,
  brìndisi fazzu, ari fimmani schjiatti 'e maritati.

• 'Stu vinu vèna 'e Vassariaci,
  saluti a mmia, ca mi 'nda vivu 'nu ruvaci.

• Chi' trigghji era 'mbùmbula do vinu ncitrazzati,
  Sant' Andria saluta i figghi sua 'nto mundu sparnozzati.

• Stu vinu èsta làgrimi Cristi 'nte casi
  brìndisi fazzu 'e cora a 'ndon Tumasi

• Da casa ara casedda pò vinu si facia 'a spola
  brìndisi fazzu a st'usanza 'ndrola.

• 'Nd'ammaccamu vinu a Niforiu ara casedda
  brindamu a ricuardu 'e chidda cuntrada bedda.

• Stu vinu vena e Saddada
  brìndisi nui patuti facimu a sta scialata.

• Stu vinu si facia aru diastru 'nta trempa
  e nui 'ndruali sta festa a facimu sempa.